اوچدو اوچار اوچاجاق

خرداد ۲۶, ۱۳۹۵

زلزله گلدی
بیزیم یئره،
کندلری آپاردی…

زلزله گلدی،
کندلر داغیلدی…

«بیلیسن، نه‌ لرساتیلدی؟»
بوللو سوزاد ساتیلدی

بیزیم یئرده،
یئر چاتلار
سوچولار پارلار!

زلزله گلمیشدی
اوشاق‌لار اؤلموشدو
چوخ اوشاق اؤلموشدو

زلزله هرگون گلیر
بیزیم ائولر اسیر شهرده
کندلرده یئر اسیر، چادیر اسیر
ائولر اوچمور
چوخدان اوچموشدو کت-کسسک
یئل ده گلسئیدی اوچاردی
سئل ده گلسئیدی اوچاردی
اوچماغا دوزه‌لیب او ائولر
چادیر قورماغا قالیب چؤل‌لری!

ائولر اوچار،
قالان اوشاق‌لار چادیردا اوینار
«اوچدو اوچدو قوش اوچدو»
قوش اوچمادی!
بیزیم یئرده،
قوش‌لار گؤلده قویلانار قالار
بیزیم یئرده ائو اوچار
«اوچدو اوچدو ائممیز اوچدو…»
«اوچدو اوچدو کندیم اوچدو…»
«”زنگ آوا، “زغن آوا” اوچدو،
“هومای”، “گول‌عنبر” اوچدو…»

بیزیم یئرده،
سو ساتان پارلار
گؤل سوسوز قالار
گؤل بوش قالدی
گؤل بوشالدی
گؤل دولمادی
«اوچدو اوچدو …»
بیزیم یئرده،
تکجه توز یوخ، دوز دا اوچاجاق
بیزیم یئرده …
بیزیم یئرده چوخ زاد اوچار!

*

«”سونگون” هانسی “س” ایله یازیلار؟»
«سونگون “سو”دان گلیر؟»
«یوخ! سووا گئدیر.»
«ننه‌ام ده سووا گئتمیشدی …»
….

ممکن است این نوشته‌ها را هم بپسندید ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *