آنا دیلی

خرداد ۲۶, ۱۳۹۵

نئچه ایل قاباق دوبئی‌ده ایدیم. دونیا آنا دیلی گونونه یاخینلاشیردی. منه بیر ایمیل گلدی. ایستـه­‌میشدیلر، آنا دیلینه گؤره، بالاجا دا اولسا، بیرزاد یازام. گؤردوم بو قدر ساده، سو ایچیم، ایلیگیمیزه ایشله‌ین، قانیمزدا دولانان، آنجاق سورون­‌لارا دؤنوشن قونودا یازماق، نئجه ده چتین اولور گاهدان؛ اؤز دیلیمده، اؤز دیلیمه یازماق!

بیر زاد یادیما دوشدو آنا دیلی­‌نین گاهدان نئجه ده سس­‌سیز-سمیرسیز بیزده یاشادیغیندان. یازدیم:
اوروپادا وکیللیک­‌له مشغول اولان بیر تانیش، هر زامان دوغما شهری تبریزه گلنده، شعر دئمَـگه باشلار!

اؤزو دئیردی، سانکی بوردا، اؤز یوردومدا، اؤز آنا دیلیمی دانیشاندا، ایکی­- تایلی آغیر بیر تاختا قاپی اوزومه آچیلماغا باشلار. منده ییغیلان سؤزلر یاواش یاواش اوزه چیخار، دویغولاریمین اوستونو اؤرتن اؤرتوک­‌لر آستا آستا قیراغا چکیلمَـگه باشلار. باشلارام شعر دئمَـگه!
دئمک کی، اینساندان بؤیوک بیر خلوت، طلب ائله‌ین شعر سؤیله‌نیشینه، بو خلوتی یارادان، اونون آنا دیلی و آنا یوردو اولور. دئیردی یاشادیغی یئره قاییداندا بو قاپی خیردا خیردا باغلانماغا باشلایار و نهایت تمامن قاپانار. بیر ده قالار گلن ایل­‌لر بورایا گـلنه!

ممکن است این نوشته‌ها را هم بپسندید ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *